專業餘推介 A-Grade Pop Music

一向都覺得自己性格上其中一個特點就係時常都抱著"自己唔好都想睇人好"嘅宗旨,所以好多時都好似啦啦隊隊長咁, 會為身邊嘅人所發生嘅開心事而去興奮同[鼓舞].不過見到別人嘅[幸福],再睇下自己嘅情況,有時都會[身不由己]咁產生一點感慨([男人的感慨]?). 好似最近,無論喺Toronto定係HK, 都有[朋友]發生唔同嘅開心事. 戥人地開心嘅同時, 再望下自己嘅情況, 只係睇到一個字 - "慢"... hai... 1. 有弟兄嘅父母決志信主 - 信主信得慢了點 (我成日都話我信主最"錯"嘅地方就係信得太遲...hehe...),信主前嘅日子好像將自己嘅人生浪費左一部份,攪到依家先[慢慢]變返做[一個"人"];而且信得慢+父母年紀比較大就等於同父母傳福音嘅時間亦都比人短. 2. 身邊有兩個[好朋友]都[夢想成真], 一個[好兄弟]成為動畫家,一個舊同事[姊妹]就"衝上雲霄"成為[空中小姐]. - 雖然自己"勉強" 都算[夢想成真]過,但係要做DJ嘅話當然就想喺香港做啦. 最近打聽到喺903做PA([開始]做嘅時候就叫做program assistant, 好似王郁同陳強咁,都有機會on air開聲,甚至乎有節目做,做得若干時日先會變為DJ), 月薪HKD$ 8000-10000,如果你問我喺無其他條件影響下,就算咁嘅人工會唔會都肯返去做,我就緊係"lur飯應"啦, 不過現實係唔可以[話走就走],有頭家要照顧,家裡面又要帶父母(另外仲起碼有阿哥阿嫂)信主,所以唔可以咁不負責任;再加上去到我呢個年紀就算未有另一半都要[開始]儲錢買屋,所以就算真係有機會嘅話,要做決定嘅時候都會好[左右為難]. - 另外, 事業起步慢了點, 依家份工做左三年, 明知唔適合自己,但係要走又唔係咁易,咁嘅年紀已經唔係好容許我轉嚟轉去,要轉嘅話就要[一擊即中],所以感覺有點前路茫茫. 揾錢揾得慢了點, 如果早D揾得快D,以前就唔使咁[慳](其實依家都仲算幾[慳],不過起碼都有多D錢使),如果以前唔使咁[慳],就唔會[有人]覺得我cheap,咁好[可能]當年喺賽跑場嘅"意外"就唔會發生,唔會好似依家咁"救唔返". 3. 自己...

吳浩康剛剛推出嘅新曲加精選碟"3D" 裡面嘅第二首派台歌就叫做[自卑]. 我一聽完首歌, 睇完份歌詞, 我第一個感覺就係"hm…首歌講緊以前嘅我 woh"... huh? 咩話?"以前"? 真係"以前"? 我幾時覺得自己依家唔再[自卑] ga? Hm… 自卑 吳浩康 MV(youtube) 作曲：吳浩康 填詞：喬星 編曲：橋韜@U's Music 講理想　講半天　又憑甚麼 講遠景　講到底　讓人幸福這期望　我不配去擔當 若面上偶然有些沮喪　不必打探我 曾為誰孤單一個坐天光 人前人後　或者都不起眼 難怪每個夜晚　回家孤單進餐 明明沒氣力發光　世界何來耀眼 我構造太簡單　流淚嫌未夠悽慘 無謂 ＊談自己　只有自卑　屬於我 做不起討好角色　期望誰發現愛惜我 其實憑甚麼　資格無多　 相信戀愛　不信可以被愛 心痛甚麼　 習慣了孤單去過＊ 不必高手教我 講細心　講信心　又憑甚麼　講到尾 講多一百句　但是誰人　陪我在每夜說天氣 或者　悲哀到用笑聲遮掩我未夠好　不爭氣 註定沒緣份成大器　我就每日去飾演　單身好戲 Repeat ＊ 沒甚麼獎勵我 無謂談自己　只有自卑　屬於我 做不起討好角色　期望誰發現愛惜　 六十歲也只得我自己　得到甚麼　 相信戀愛　不信可以被愛 差了甚麼　 習慣了孤單去過　不必伸手救我 其實自己都覺得自己D自信心"好似"好左D gei. 或者以前喺屋企同賽跑場被"壓抑"得太耐,所以其實到最近我先覺得自己係[一個"人"].雖然自信心唔應該"太過"受其他人影響,但係以前俾人有彈無讚,被身邊最close嘅人踩到一文不值,想唔[自卑]都幾難.到近來受到一班充滿愛心嘅[天使戰將]所俾我嘅關心同鼓勵, 再加上自己確實有D improvement (好似喺度自己讚自己咁...haha),同埋最重要就係[開始]學識[愛自己], 先俾我知道其實我真係唔係想像中咁差.雖然仲有好多需要進步嘅空間,而同[好人]呢個level都仲有一大段[距離],但係起碼都算係一個OK嘅[普通人] gua... hehe...

一向都覺得除非一D需要好認真咁去處理嘅重要事情之外,要不然都[希望]能夠令到身邊嘅人無咁緊張,可以輕鬆D咁樣相處, 所以自己好多時都鍾意講下笑,緩和一下氣氛. 自問有點[小聰明],加上中文程度都算唔錯嘅關係, 攪下gag都算ok.其實好多時要講到人地笑, 有時[笑話]嘅內容都需要[踩界]一點.要[踩界]就有一定嘅危險,有時[可能]去得太盡就變左唔只[踩界],仲踩埋人地條尾;有時又[可能]會overuse左個gag,分分鐘攪到少少[過火].所以有時我都幾明白好似森美果D成日要攪笑嘅DJ/藝人所要面對嘅壓力,唔好笑又死,[過火]少少又死. 我都學習緊去掌握講[笑話]嘅"平衡點",不過我都會繼續嘗試喺適當嘅時候講下笑嘅,因為能夠令到其他人開心同笑嘅話自己都開心.況且我一向都唔想自己嘅情緒影響到其他人,所以就算心情唔好都會照講笑話,可以令到自己唔開心嘅時候都可以有機會笑下,又唔使身邊嘅人擔心.而且因為我間唔中都講下笑,更加無人可以估到我當時係咩心情...hehe... 我諗我喺一班[天使戰將]嘅當中都算係其中一個有[幽默感]嘅人gua(起碼都"silly but funny" la.. haha)... =p 幽默感 何韻詩 MV(youtube) 作曲：hocc@goomusic 填詞：黃偉文 編曲：青山大樂隊 在最壞最壞那日 遇最壞最壞那事 是它讓生命不用壞到底 在最悶最悶那刻 陪最悶最悶那位 是這段配樂 托起一切 還未領略　絕招的真諦 現在就來具體 在假日裡沒節目　電腦又發現中毒 換衣服出外　身段又發福 下雨避進郵政局 又見舊愛人殺出 而你頭髮上有餅乾碎 霉運繼續來　若果不反對　現在是時候哭 或另尋下台路　不哭 * 當你步行在那漫天槍炮下　當你昨日抱著的跟了他 當你造型受到大眾的責罵　 即管講笑話 (急於抓撮沙往上爬) 就(來)劃圓稜角吧 讓(由)事情漫畫化　矛盾地笑一下* 在最壞最壞那日 遇最壞最壞那事 像失業之日 車又撞了燈　 在最悶最悶那刻　陪最悶最悶那位 連那人也嫌你不吸引 危難拍著門　若果躲不了　就迎著 極殘酷一生 自行落調味品 Repeat * with ( ) 會自嘲嗎 為何為何運程極差　問為何運程極差　實在條問題 問得都算肉麻 自豪地承認它　在台上談論它　用遺...

過左差唔多成個月先講返呢個Chicago tour, 其實係因為太多嘢想分享, 所以寫極都寫唔完,到依家先算寫完,先可以post上嚟. 喺Chicago所經歷到嘅[感動]同有趣事, 真係"非筆墨所能形容". 5月17號(Thursday)Toronto就有三架車出發前往Chicago. 由於"俊俊"之前一日突然病左去唔到, 我就因此臨時轉左坐第二架車. 兩男四女喺架全新(之前只係行左8KM) 嘅Caravan(租車)上面睇下戲(來回兩程加埋都睇左3-4套戲, 包括"龍貓"...haha), 聽下歌, 傾下偈, 食下嘢, 轉眼間(其實都要成8個幾鐘)就去到喺芝加哥唐人街嘅church度. 條唐人街叫"永活街", 條街叫得呢個名,無間Church嘅話就真係唔成事...hehe… 而間church就唔只得一棟building, 總共有成三棟咁多(一座main building, 一座for youth ministry, 一座for國語). Thursday嘅final rehersal同friday嘅event就喺main building. Saturday就喺Chicago北部嘅一間church. 呢間church嘅附近分別有Michael Jordan間屋(因為佢離左婚, 所以依家得佢ex-wife同個仔住) 同Scottie Pippen以前住間屋(證明果度係有錢佬區...haha).Sunday就喺南部一間church同main building唱崇拜.Sunday下午就有機會行下downtown, 之後monday回程途中就有機會行下outlet mall (不過淨係喺Banana Republic買到件less than US$5嘅T-shirt). 講完行程, 咁其實我經歷到D乜同有乜開心事? 首先就係今次嘅[地球大合唱]可以話係一個唔知幾時先再有嘅機會,去同嚟自唔同地方嘅詩班員一齊為神事奉. 由於前一個post (意想不到1) 所講嘅原因(原來Chicago淨係得3個詩班員),所以大家接到"英雄帖"之後都義不容辭去幫手. 最後總共有9個地方32個詩班員+band+ACM工作人員(Toronto, HK, LA, SF, Louisanna, New Je...