專業餘推介 A-Grade Pop Music

泳兒都算係我最鐘意聽嘅5個女歌手嘅其中之一, 佢聽日就會喺wonderland做Toronto新秀嘅[特別嘉賓], 我要去飲所以就無機會去睇. 不過我突然間[發現], 原來佢呢兩首歌加埋係可以成為一個故事... 喜歡一個人好累 泳兒 MV(youtube) 作曲:小涼 填詞:姜憶萱 編曲/監製:舒文 昨天　你送我一個笑臉 今天　你經過了我身邊 每天　你這樣一舉一動 都影響我的悲傷喜悅 昨天　你多看了我一眼 今天　我有些心不在焉 那天　我才會有勇氣　勇敢面對 * 暗戀　喜歡一個人好美 想像　你輕輕摟我的肩 走在　人擠人的街 抓緊你的手　甜蜜無限 暗戀　喜歡一個人好累 流淚　在數不盡的黑夜 想念　變成了習慣 想你一遍遍　你卻好遠 * 如果　你不當我是朋友 而是　其他重要的角色 是否　我就可以佔有 你每個笑容 Repeat * * 一時倦了 泳兒 MV(youtube) 作曲/編曲:伍仲衡 填詞:周耀輝 寂寞到流星跌下了 笨拙到藍天塌下了 竟相信愛情供給到需要 傲慢到明知軟弱了 你對我再差都不算重要 讓我做虔誠女生　犧牲的有多少 * 如沒有祝福不緊要 如沒有地老天荒不緊要 沒有理想中的愛人 誰會大叫　只好苦笑 如為你哭泣不緊要 為你做到心裡面全部需要　全部不要 直到一時倦了　就當失戀不緊要 * 命運似塵埃散下了 願望似微風送下了 請相信愛情捉不到不要 傲慢到明知軟弱了 你對我再差都不算重要 讓我問全城女生　開心的有多少 Repeat * 雪落了候鳥就會飛 雨盡了瀑布就會乾 感情再多　偏偏快樂少 如沒有祝福不緊要 如沒有地老天荒不緊要 沒有理想中的愛人 誰會大叫　只好苦笑 如為你哭泣不緊要 但我面對心裡面全部需要　還是需要 若愛依然重要　就算失戀不緊要

寫完經過就等我寫下感受. 我覺得能夠喺34場"意想不到"聚會裡面唱到11場(Toronto 3 場, [滿地可]2場, [Chicago] 2場, Houston 2場, Dallas 1場同Columbus1場)係神俾我一個好大嘅恩典, 同埋俾我可以大開眼界,真係要[感謝神]. 首先最先感受到嘅就係我地"廣東話基督徒"喺Toronto有幾咁幸福. Toronto 嘅華人教會俾廣東話堂嘅resources又多, 仲好多時都有唔同嘅組織嚟到Toronto serve我地. 但係喺美國, 佢地可以話係 "二等"甚至"三等"身份, resources通常去晒國語同英文, 又唔會有咩廣東話團體去到佢地當中. 好似喺Houston同Columbus, 當地人都話好難得有廣東話嘅organization去到果度serve佢地. Alfred (ACM Canada 揸Fit人)話無論個地方人多人少都好, 只要有需要嘅話ACM Canada都會去serve佢地, 唔會揀人多嘅地方(人多=受到嘅奉獻都會多)先去, 就算去D少人嘅地方之後埋數"入不敷支"都在所不計. 我去完今次tour之後就更加明白佢個vision. 第二件事就係如果你有留心我之前果3個posts嘅話, 你[可能]會留意我都特登寫咗幾次"打定輸數". 今次tour有好幾次都係喺我"打定輸數"嘅時候都有"意想不到"嘅[神蹟]發生. 對於一向對事情都通常"打定輸數"嘅我,我諗神想我在當中學習信心/信靠嘅功課. 第三件事就係呢個tour都令我好好咁諗下全時間事奉呢個方向, 雖然未夠信心去行呢一步 (因為覺得自己靈命等各方面都唔夠掂), 但係喺tour期間都有好多唔同機會去了解更多或者點樣去裝備自己(例如同三位"屬靈長者"傾偈行街, 問過一D關於讀神學同做ACM"活祭戰士"嘅問題). 雖然個calling from神好似未係好清晰, 但係都諗緊會唔會九月去試下take 1科神學去讀. 仲有一樣就係今次去tour見返一D一年前喺[Chicago]見過下面,來自US嘅ACM弟兄[姊妹]. 其實講真之前只不過係...

由Dallas返到Toronto, long weekend後返咗三日工,跟着 friday(May 23)又再出發, 一清早就揸車起程去Columbus. 車程大概7個半鐘, 我個Pocket PC GPS今次好醒, 所以好順利地成為第一架到教會嘅車(total 17個人三架mini-van). 見到church個牌, 下意識地就泊架車去大building果邊, 點知原來大果間係國語堂用, 廣東話堂就好似被[放逐]咗咁喺細果邊(細呢間原本係一間外國人church, 跟住佢地買咗嚟"特別"俾廣東話堂用). 之後聽到消息話廣東話堂嘅情況其實有D"死死地". 由於去到Columbus都差不多4點, 所以第一日除咗食飯同rehersal之外好似無乜嘢做過. 呢度嘅local choir平均都算幾後生, 而間church就有好多得意嘅小[朋友]. 今次夜晚就終於有host family住, 張生張太好好人, 雖然好疲倦但係都同佢地傾左一輪偈先瞓. 根據佢地講, Columbus除咗Ohio State University同有好多golf courses之外就無嘢出名(我都淨係知Columbus有隊hockey team同MLS soccer team). 第二日嘅行程亦都好緊密, 朝早同下午都有workshops, 不過我同幾個[戰友]都趁空閒時間"liu"咗出去Best Buy搵Wii Fit(但係賣晒). 下午Workshop完咗就final rehersal, 一切準備就緒, dinner同祈禱會後就正式開始第34場"意想不到"聚會. 唔知道呢一場會唔會真係呢個program終結嘅最後一場呢? 我諗因為呢個原因, 加上亦都係今個tour嘅最後一場, 所以完咗聚會之後返到Columbus"屋企"間"睡房"就已經有"post-tour depression syndrome"嘅出現(我都覺得快咗D...haha)... 差D唔[記得]講個聚會情況, 見到個聚會可以幫到呢間church, 激勵到呢度弟兄姊妹嘅心真係要[感謝神]. Sunday完咗崇拜食完lunch就要起程返Toronto(因為好多人monday要返工), 不過途中當然...

喺Houston留咗7日之後, May 15(Thurs) 就起程前往Dallas. 兩架mini-van加一架"大巴", 一行17人就一早出發, 沿途都算幾順利. 去到Frisco教會, 兩名朝早到埗嘅Toronto[戰友]已經喺church等緊我地. 而之後我就獲委派同住喺美國嘅"靚太"去機場接兩名來自美國西岸嘅[戰友].去到機場, 我同靚太好快就聯絡到來自SF嘅"開心果". 但係之後問題就出現, 究竟點樣可以搵到另一名西岸[戰友](佢3點就落左機). [可能]你會問喺科技先進嘅世代要搵[一個人]有幾難, 難就難在呢位西岸[戰友]係無cell phone嘅(註: 佢係一個大約40歲的男士), 開心果仲話佢send咗個email俾佢想約喺邊度等又無覆到, 所以我地連佢究竟有無飛嚟都唔知. 咁我地一行三人就唯有進行"大搜索", 先去航空公司問佢班機去邊度攞行李, 但係去到果度唔見佢. 之後就試下call佢屋企但係就無人聽.最後唯有出[必殺技] - public announcement (即係通常有人唔見細路之後就會喺成棟building都聽到話叫個仔喺邊度搵返[爸爸媽媽]嘅廣播). 由於我同靚太都已經筋疲力竭(佢揸左成日車, 我就要幫手睇路, 而且果時差唔多7點但係又未食飯), 所以就喺Departure果層(因為個Help Desk喺果度)一間store出面嘅枱度[等]. [等]咗大約差不多[一個鐘之後](起碼都45分鐘), 我地都"打定輸數"唔會搵到而準備走, 咁開心果就諗住用佢部GPS睇下附近有咩食. 因為喺indoor, 所以開心果就話要行去outdoor攞signal, 正當佢行緊出去嘅時候, 就撞到我地要搵嘅[戰友]. 原來佢諗住開心果班機攞行李果度等, 點知佢以為架機喺SF起飛, 但係原來開心果係喺Oakland上機, 所以佢搵唔到. 之後佢就走去其他terminals搵.搵唔到 就走返去原本個terminal, 咁o岩喺果個moment就行到departure果度(佢話無聽到個public announcement), 真係[感謝神]. 幾經辛苦終於齊人, 原本諗住求其搵間fastfood就算, 但係靚太喺果度嘅朋友Peter同Edith見我地[等...