(巴黎沒有)摩天輪

自己聽歌一向都好著重[歌詞]的意思同好與壞,也時常"鼓勵"別人聽歌要多留意[歌詞],因為作詞人是很用心去寫,[歌詞]內亦可能隱藏一些特別的信息or意思.有時加上聽歌者嘅個人經歷或者感覺,一份歌詞會令人產生一種不能言喻的[感動].最近一首歌嘅[歌詞],我由唔鐘意,到聽到作詞人的解釋,加上[我的感覺],令到整份[歌詞]變得完全不一樣,令我好[感動].

這首歌就係王菀之嘅[(巴黎沒有)摩天輪].呢首歌嘅音樂原本係"森美小儀歌劇團"裡面森美同王菀之合唱嘅[擁抱一個人].我好鐘意[擁抱一個人]首歌,旋律很浪漫,令人感覺好舒服,而歌詞亦都好有意思.

而[(巴黎沒有)摩天輪] 就係喺Ivana新碟裡面,用返[擁抱一個人] 嘅旋律,由林夕配上新歌詞嘅獨唱版.或者太有[期待],起初聽完反而好失望,因為林夕竟然喺咁浪漫嘅旋律上配上咁傷感嘅[歌詞],我覺得好唔夾,嘥左個音樂.

不過喺"叱吒樂壇"節目,林夕就解釋左歌詞嘅意思.佢話歌詞係講緊一個人因為一D原因(我諗[可能]因為生離死別,又或者所愛嘅人唔再[愛自己])而唔可以同自己深愛嘅人一齊,唯有{闔起雙眼}幻想自己同佢去法國巴黎旅行.沿途參觀了一些名勝古蹟,{然後登上摩天輪}玩,正當同深愛嘅人一齊欣賞四週美麗風景嘅時候.突然間"醒覺"其實[巴黎沒有摩天輪],一種從幸福幻想中醒過來嘅冰冷感覺狠狠地將僅有,些微的溫暖感覺摧毀得[灰飛煙滅].

而令我最有感覺嘅一句,就係{為何竟有摩天輪, 全為要我感動, 何必不去相信}.要靠幻想去感受[一丁點]的溫暖感覺已經很可憐,但更可悲嘅係喺欺騙自己(幻想)嘅時候,就算理智上已經醒過來,卻仍然要在欺騙自己嘅過程當中再去欺騙自己.究竟咁做到底係為左{成全快樂的痛},定係為免心靈會被冰冷感覺凍僵才要[明知故犯] 咁去欺騙自己,等自己可以生存下去?

(巴黎沒有)摩天輪 王菀之 Listen
作曲:王菀之 填詞:林夕 編曲:the invisible men

大家闔起雙眼　幻想在凱旋門吃早餐
也許雪花四綻　然後你驚鐵塔很冷
聽講花都是情人必經之地
真跡的畢加索看到我想飛
參觀畫展後二人相擁滋味
羅浮宮都不可以比

然後登上摩天輪
迎著細雪轉動　我笑你超重
凝望北歐的晚空 美得我怕轉面你會失蹤
為何竟有摩天輪 全為要我感動　何必不去相信
一直聽你亂說 逼真到　連頭髮亦冰凍

花都的聲浪突然歸於肅靜
你說你很想娶我叫我清醒
真跡雖真實未如假想豐盛
憑言語你我已曾經

為何想到摩天輪 然後更會轉動　替你我相送
停在思想的半空 這可算作快樂我也不懂
如能擁有摩天輪 寧願永遠不動　隨風宣佈婚訊
哭著講我願意 多得你　成全快樂的痛

如何拖你手旅行
從沒有這好運　我故作興奮
然而虛構的旅行太真

你聽完呢首歌之後又有乜感覺呢?[感動]到你嗎?