Music and Lyrics - Way Back Into Love
早幾個月前喺一個偶然嘅機會下見到一張電影海報, 一見到個戲名我就知道我會好想睇呢齣戲,套戲就係叫"Music and Lyrics" ( Official Website . Trailer ) 我一向都比較鐘意睇輕鬆嘅愛情喜劇, "Love Actually"( my review )就係我好鐘意嘅其中一套電影. 但係當我嘗試去揾人同我一齊去睇"Music and Lyrics"(中文譯名叫"冧歌有情人") 嘅時候卻[發現]好似無乜人鐘意睇呢D愛情喜劇(well, 或者問題唔係喺愛情喜劇度,而係......).有諗過send email 俾團契問下邊個會有興趣睇, 但係最後都無咁做([點解]?費事失望gua). 或者不夠大路又不夠另類的就最難找到知音吧. 喺打定輸數又唔諗住自己[一個人]去睇嘅情況下,卻喺"機緣巧合'嘅情況下揾到一個[朋友]喺二月尾嘅一個落雪晚上去左睇呢套戲. 套戲整體都OK, 雖然個古仔好簡單,某D情節都好"正路"好易估到,但係都有D好有趣嘅twist同令人窩心嘅段落,戲裡面嘅歌亦都幾好聽.而最surprise嘅係Hugh Grant同Drew Barrymore都唱得唔錯. 好鐘意女主角Drew Barrymore喺戲入面嘅其中一句對白.“ The melody is like sex. But when you get to know the person, that’s the lyrics. It’s the story of who they are underneath. ” 但係究竟有幾多人真係會留意[歌詞]多過melody呢? 一首好嘅melody就算沒有好嘅[歌詞]配合,起碼也可以成為手機ringtone或者一些宴會嘅伴奏音樂;但係若果一首好嘅[歌詞]無好嘅melody嘅話,難道你會將份[歌詞]朗誦出來嗎? 很[喜歡]套戲嘅主題曲[Way Back Into Love], [歌詞]雖然簡單,但係或多或少都寫出左好多人嘅心聲. Way Back Into Love - Hugh Grant and Haley Bennett Clips from Movie(Youtube) Lis