心淡 (@ work)

曾經經歷過雙失青年嘅情況, 所以明白有工總比unemploy好. 但係當份工[問題天天都多]得令你[心淡]到[非走不可]嘅地步的話,唔想日日返工等放工都唔得.

我公司喺行政上基本上就係一團糟,做到嘢嘅要走都唔留,做唔到嘢嘅就幾廢都唔炒(廢到日日做同一樣嘢,淨係對著個number type入電腦都成日type錯), 已經令到公司好多人都無心戀戰.在公司被同事公認做到嘢嘅我,睇嚟結局只有一個.而因為公司混亂令到我同另一個做到嘢嘅同事無得升就更加係"罪無可恕".

事緣因為之前有個team走左好多人,所以公司就調左我同另一個team嘅一個比我做得更耐同更叻嘅"肥仔"(無貶意,只不過方便大家識別)(你知啦,邊個同我比都係"肥仔"ga la...hehe)去唔夠人個team. 到上個月,我同肥仔原本果兩個team嘅supervisor都升左做manager, 但係公司就是但升左兩個比我同肥仔更新嘅人(from those 2 teams)做supervisor.唔係話一定要升我同肥仔,但係連consider我地都無,就真係心灰意冷,有事就要我地幫手,無事就直情當我地隱形.我原本都諗住走所以都唔係好大影響,但係我就戥肥仔好唔抵,佢嬲到去搵高層講數,但係最後就一如所料-[嘥氣].我[記得]我見工時被人問過我喺工作上有乜嘢係最憎嘅,我就答最憎公司唔realize員工嘅contribution,點知今次就"斷正".

另外公司嘅IT亦都好stupid. 自從試過講到明有virus但係佢地乜都唔做,最後公司D機大部份都中招之後就乜鬼都block, web-based email block, msn 又block.我唔係想話公司應該比人喺開工時間check email 同msn (雖然我manager講明只要做好所有嘢就可以做自己嘢),但係都應該比人喺lunch time同辦公時間之後用(特別有D員工因為做嘢遲左收工而miss左班車,要等半個至一個鐘先有下一班).但係最低能嘅係,IT連USB port都block埋(read/write都唔得),攪到做嘢要攞D data去股市機度download price都要用floppy(in case 你唔[記得]係乜,即係磁碟)(我試過同人講公司save嘢仲要用floppy而俾人笑,真係羞家...hai).仲唔make sense嘅係連wallpaper同screen saver都唔俾人轉(block埋).攪到我有時朝早返工出門口嘅時候都會問下自己,究竟我係去返工,定係去坐監.

"哀莫大於心死",這句話最能表達我嘅心情.

近排好鐘意聽王苑之嘅新歌[畫意],歌詞係講創作人所面對嘅無耐.裡面提到名畫家梵高,在世時作品無人理,死後就變成藝術珍品,非常值錢.雖然我唔係創作人或者藝術家,但係歌詞令我諗到,無論喺任何情況(例如好似我公司嘅情況),[一個人]係唔係要喺佢[消失]之後,其他人先會[發現]佢嘅價值,甚至乎佢嘅存在呢?

畫意 王苑之 MV (YouTube)

作曲：王苑之 填詞：林夕 編曲/監製:馮翰銘

被人嫌怪 被人辭退 被情人騙去 絕望的感情
傻到留下耳朵給情人做裝飾的怪客
誰受過他感動 還是覺得驚嚇
苦戀之痛全被抹殺

百病貧困 仍然無悔 未曾賣過仍舊畫畫
只是為了呈現世間光明 來叫開心可散發
無視血色蒼白 忘掉過得蕭煞
色彩鮮暖全是自發

* 你 聽過梵高吧
值幾多百 他那(只有)人格 難剖(表)白
求存人人明白
看 他有權亂去畫
也許口袋 也不致一片空白 *

畫完無數麥田和向日葵 贏到了後代的收藏研究
無奈有生之年才售得出一個客
無奈那種鉤勒 無奈那種筆法
一幅心血才值二百

萬人做上 萬年難買 藝術傑作從未獲得當時留意
難道人死 商業才計得到他價格
難道妥協一劃 難道放棄風格
跟風一下然後暴發

Repeat * ( )

賣完又買 賣完又買 憑誰訂價
憑賣藝討生活 誰會淪落似這精神病院關起的過客
難活到了不惑 留下了他風格
很想清醒無奈病發

Repeat * ( )

看 一個人的命 或者悲慘
他到臨終仍肯畫 仍然貢獻世間
看 他看長夜星空 那種燦爛
顯得世間太蒼白

一個人的價值,是不是要從這個人[消失]之後所違下的[笑忘書],{情書,遺書 尋找答案}?

笑忘書 張敬軒 MV (YouTube)

作曲:張敬軒 填詞:林若寧

要 背負個包袱
再 跳落大峽谷
煩惱 用個大網將你捕捉
還是你 拋不開拘束
你 昨夜發的夢
到 這夜已告終
沉下去 頭上散落雨點沒有彩虹
你 還在抱著記憶就似塊石頭很重

* 得到同樣快樂 彼此亦有沮喪
童話書從成長中難免要學會失望
經過同樣上落 彼此墮進灰網
沉溺 煩擾 磨折 何苦 多講*

我 快樂到孤獨
我 缺乏到滿足
遊戲 就算愉快不會幸福
人大了 開心都想哭
我 每日要生活
我 每日要鬥苦
捱下去 連上帝亦也許沒法攙扶
我 前路有右與左面對抉擇難兼顧

Repeat *

擁有同樣寄望 彼此亦有苦況
棉花糖從成長中曾送你愉快天堂
經過同樣跌盪 可會學會釋放
童話 情書 遺書 尋找 答案
曾經... 曾經... 回憶當天三歲波板糖

P.S. 喺咁嘅返工情況下,都搵到D開心時刻嘅,好似收到paycheck果一刻啦,同熟嘅同事食lunch講下笑啦,同埋空閒時間可以睇聖經啦(感謝神,等我可以有D有意義嘅嘢做下...hehe).