意想不到(1) - 誰更重要?

每年嘅Victoria Day long weekend 都係教會春令會舉行嘅日子. 今年原本[還以為]會一如以往咁樣去過呢個 long weekend, 仲[應承]左幫registration手. 點知上個月突然收到ACM嘅email, 話Chicago嘅tour因為Chicago果邊form唔到 mass choir所以唔夠人, 就問我地果D原本無諗住去嘅人可唔可以去到.

Chicago Tour同春令會兩件事對我嚟講可以話係"魚與熊掌", 最後經過一輪思想掙扎之後都係決定去Chicago. 一來自己成日都話能夠加入ACM係神俾我嘅恩典, 咁無理由ACM有需要嘅時候就"袖手旁觀", 特別係自己有假可以去. 二來雖然去春令會可以幫助自己嘅靈命 (特別係自己近排嘅靈命都死死地), 但係去Chicago tour 可以去傳福音. 自己靈命唔好都仲上到[天堂](最worst case都係到時少D賞賜), 但係唔信主嘅人就連[天堂]都無得去, 咁就當然去傳福音係比較重要D啦. 雖然我除左唱之外都做唔到D乜,D人信唔信主同我[一個人]去唔去都無乜大關係(我基本上係無影響力, D人信主都只不過係神嘅工作與及整個詩班嘅努力), 但係都總算"略盡綿力". 況且[I Believe] 透過事奉去親身經歷神比聽道會有更深刻嘅體驗, 或者對我嘅靈命[可能]更有益處 .

仲有就係去Chicago可以見返[好久不見], 我好尊敬嘅"麥牧"同去左美國住嘅"靚太"(我諗佢估唔到我用呢個名形容佢...haha).

另外今次仲有一樣特別嘅地方, 就係呢個tour[如無意外]會係[最後一次]用"意想不到"嘅program. "意想不到"呢個program就係我兩年前[第一次]以mass choir(我諗中文可以譯做"臨時詩班員"gua) 身份參加ACM詩班嘅時候所唱嘅program. 因為呢個program, 我就由原本只係諗住唱三場到變左依家[不經不覺] 已經參加左差不多兩年, regular嘅Immanuel Worshippers(Immanuel Worshippers 係詩班嘅 official name).

成日都話能夠加入ACM係神俾我嘅恩典, 咁究竟有乜咁"恩典"呢? 首先能夠用自己一D"比較OK" 嘅嘢 (把聲) 同[我喜歡]做嘅事([唱歌]) 去事奉神就已經[無得彈], 而且每次嘅event都會有唔同嘅特別經歷或者[感動]場面. 有時就算好唔開心嘅時候, 去到practice裡面 “邊唱邊聽” 一D好聽嘅Christian songs都可以令到心情都平和返; 甚至乎有時全靠ACM而令到我可以渡過靈命上嘅 “死蔭幽谷”. 另外又識到好多好好, 嚟自唔同church嘅弟兄[姊妹], 一班人一齊同心協力為神作工嘅感覺簡直係超正. 而最近仲有一件"意想不到"的wAr_M (r+underscore似個c字…haha) 事發生.

(待續……)