不吐不快

之前同一樣鐘意聽cantopop嘅美國"潮人戰友"講開張敬軒嘅新碟[Urban Emotions], 我就同佢推介裡面其中一隻歌[不吐不快] (因為我好鐘意D歌詞), 之後無耐就見到佢個blog都post左呢首歌同埋話首詞係好詞, 果然係"英雄所見略同" =P

不吐不快　張敬軒　MV(youtube)
曲: Christopher Chak　詞: 林夕　編: 陳珀　監: Alvin Leong



為何共那又來又往沒情沒趣無情份的竟比你都更頻繁暢聚
為何遇到別人問好為何和你沒有需要花心機講好說話一句
為何若有無聊事幹便寧願上載到電腦早已忘掉怎跟你吹水
為何難得尚能騰空坐在戲院主角自殺你共我竟過倦而進睡

過去共你 (怎麼去比)　哪理會你 (趕得要死)
也愛用整晚說杜琪峰專長揭露命途無常的道理
講破天地　講到自己
不覺迎面太陽已經昇起

*只怕無法再有這種情懷
優美得共你同時在這世界
醜惡在於　赤子的胸懷
難敵這紛擾世態　為理想或求生在捱 (該理解)

沒完沒了各有需要把青春賤賣 (怎逛街)
漸行漸遠每天很快淡出得更快 (這宇宙太大)
握手將要安排　原諒我悲觀過界
但血啃在喉中　不吐不快*

為何為了別煩著你別防礙你悠然睡去不忍太早太夜回你電
為何大家為求夢想為求上進沒有空檔分擔怎麼跟壓力挑戰
為何為了未來易過便勤力到忘掉共你兜半晚風不需太多錢
為何大家漸明大體再沒有膽不理夜半有沒有緊要事仍見面

過去共你 (怎麼去比)　哪理會你 (趕得要死)
也愛用整晚暢論人家感情最後為何完結的道理
講破天地　講到自己
不覺殘酷太陽已經昇起

Repeat *

如何勤勞　便有甚麼出路
令你與我少了幾里漫步
沒能力坐到老　出世需要進步
你我再好也難逃這個軌道

該理解　沒完沒了各有需要把青春賤賣 (怎逛街)
漸行漸遠每天很快淡出得更快 (這宇宙太大)
握手將要安排　原諒我悲觀過界
但血啃在喉中　不吐不快

任何密友任何伴侶和諧互鬥投緣互信尊敬退縮生疏掛心忽近又遠跟世態搖擺
見慣不會怪

之前去左一D台灣嘅blog就[發現]原來台灣唔係將comment譯做[留言], 而係譯做"迴響", 我就覺得譯得幾有意思.
其實現今社會就好似歌詞咁講, 人與人之間嘅隔膜越來越多, 要搵到知音或者迴響真係越來越難, 唔係咁容易可以搵到[有誰共鳴]. 每個人都各有各忙, 有時心諗就算其他人想關心吓我, 但係會唔會連花幾分鐘去睇我個blog寫嘅嘢, 或者聽我post果首歌(通常我用嘅歌詞都或多或少包含左好多我想share嘅嘢, 用歌詞我就可以寫少D,而人地只要聽首歌而唔使花時間要睇我寫篇"Eassy"都會get到D我嘅想法/sharing)都無時間呢?

其實因為無時間呢個原因都還好, 總好過[發現]別人原來根本無攞個心出嚟同你做[朋友]. 你諗住係[朋友]就可以兩脥插刀, 點知最後就俾人捅左一刀.

話說[有個人]知道我去做A事件嘅[實情](我話俾佢知嘅), 之後卻語帶譏諷地話我[點解]依家會去做B事件(A同B事件係有D關連嘅). 問題係我根本就無做過B事件(起碼依家無), 而且我嘅原則係A同B事件係唔可以同一[時間]做同一齊發生, 這個人卻寧願相信閒言閒語同埋唔知憑乜嘢(純粹憑肉眼?)去一口咬定我有做B事件, 卻完全唔信我講嘅任何一句話.
如果佢唔知A事件嘅[實情]嘅話, 佢誤會我去做B事件都情有可原(因為[可能]我做左D嘢惹人誤會都唔奇). 但係其實佢係好清楚知道我之前就係因為唔可以同一[時間]去做A同B兩件事而先去揀做A事件而放棄B事件, 如果我真係可以兩件事一齊做嘅話就一早做左啦, 使[等]依家?
其實稍為了解我嘅人都知道我覺得A同B事件如果一齊做嘅話係唔o岩嘅(只可以揀其中一樣, 或者完成左一樣先可以做第二樣). 我諗或者[可能]佢根本就無攞個心出嚟同我做[朋友], 又或者我喺佢心目中嘅形像差到我講乜都唔會信. 如果無信任喺當中嘅話, 或者佢到底有無當過我係佢[朋友]呢樣嘢已經唔再重要了.

我真係"好天真好傻"?