愛愛愛(圓滿篇) - Hurt So Bad, 但深知您的愛

"我們愛,因為神先愛我們" (約翰一書4:19)
今年去左幾個婚禮嘅程序表裡面都寫有呢句經文,所以講到[愛],點可以唔講[愛的根源]-神.

自從早排一D事情令到我[開竅]之後,同神嘅關係都算OK,亦在一些事上都感受到神嘅[愛].但係喺現實生活中,卻因為各種嘅[愛]而[Hurt So Bad].

當所付出嘅[愛]唔能夠帶俾人[幸福]同溫暖嘅時候,[愛]就好容易會令人變得膽怯.或者[愛]就是太過難以捉摸,我就好像總拿捏不好.[愛情]上,每次去[愛人]總是令到自己所愛嘅人感到煩惱(因為佢地要諗點樣拒絕我).[親情]上,想將我得到最好嘅嘢(永生)與父母分享,卻總事與願遺."友情"上,想關心他人,卻總是方法或timing不對,不是[愛得太遲],就是弄巧反拙.

其實想去[愛人]卻因為自己性格嘅缺陷或者[愛]得不對而令人受傷,傷得最重果個其實係自己.就好似一隻箭豬,好想以擁抱去將愛給其他人,卻因為身上嘅刺而令到他人受傷.但又有幾多人知道,刺的另一端其實係喺箭豬身體入面嘅倒勾,每次令人受傷嘅時候自己就更加[痛].有時[痛]到對[愛]會有一種[心寒]嘅感覺,特別係明知神要我地去[愛]其他人,自己卻做不到嘅時候;因為[如果愛]只會(only)帶嚟[痛]楚,咁生存仲有咩意義呢?

都唔知係因為寫這個series所勾起嘅往事(照計唔係),還是因為幾個禮拜前喺一對high school 同學嘅婚禮度[遇見]返一個以前曾經[出賣]過我嘅人(我上個禮拜食飯同弟兄[姊妹]講過嘅"Titanic"故事就係呢個人做,而果晚我只係講左故事嘅一半)(但係我喺婚禮撞到呢個人嘅時候又好似無乜嘢,我淨係覺得大家果一刻都係[好戲之人]),令到我呢幾個禮拜都有D[失常]嘅情況,就係喺公司不停咁飲熱朱古力.飲嘅程度係有時一日飲成3-4杯,一個禮拜就飲成十幾杯.我都唔係好知點解會係咁飲,或者想喺杯熱朱古力裡面感受一下sweet同溫暖嘅感覺吧.

有D弟兄[姊妹]都叫我唔好對自己太過harsh,我都明白佢地嘅意思.但係我都就嚟30,"時日無多",所以要盡快改善自己性格上嘅缺點."起步比人遲,[時間]比人少",要改好並唔係一朝一夕就可以完成嘅事,需要好多時間,奈何我已經無[時間]可以[慢慢來],我亦明白別人容忍嘅能耐都有限,唯有對自己嚴格D,逼自己改快D.亦因為咁,所以當我喺關心人嘅事上仍然無乜進步,仍然[重複犯錯]嘅時候,[害怕]去愛嘅果種[心寒]感覺好容易會浮現出來.

當我近幾個禮拜不停用熱朱古力去抵抗[心寒]感覺嘅時候,神就透過一部福音電影嘅海報去同我講嘢.
這張海報(here)上有呢一句經文,
"愛裡沒有懼怕,愛既完全,就把懼怕除去"(約翰一書4:18a)
其實我原本都無為意,原來呢一句就係呢個post最開頭用果句經文之前果句話.我就只[記得]4:19節果句,而忘記"愛裡沒有懼怕"呢個重點.

對於最叻"屢敗屢戰"嘅我,當然會[繼續努力]去[終生學習],無所懼怕嘅情況下去令自己更加懂得愛同關心人,但係亦都[希望]喺我未完全改好自己嘅缺點之前,大家能夠多多[包容].

[深知您的愛] (ACM 齊唱短歌第 03 集)

深知您的愛，深知道您這刻靠緊我，
多番埋怨一生怎過，您卻擔痛楚。

一生縱坎坷，不嗟嘆，每一天神在旁，
重壓愁苦主體恤我，唯獨您常抱緊我。