愛愛愛(Part.3) - 大愛

正所謂[好戲在後頭], 講完愛情同友情,就當然係講親情啦.

我同我阿爸細個嘅時候關係原本都幾好,但係到我大左開始懂性之後,先發覺佢"表面"上對我好,實際上只係揾我過橋去達成某D目的,加上佢講左好多 [傷盡我心的說話],所以我曾幾何時同佢嘅關係簡直係差都無可再差. 或者佢不太懂得同仔溝通(佢對我家姐就過份溺愛),所以有段時間佢同我同我阿哥嘅關係都幾差. 其實我一向以來嘅自卑性格少不免都因為佢由細到大"有彈無讚"嘅教仔方式.我亦都" 以此為鑒",第時有細路都唔會犯相同嘅錯誤.
不過唔知[點解],我信左主之後就同佢嘅關係好左好多,我諗係神喺當中作工,加上自己少不免都大個左,成熟左嘅原因吧.起碼基本上都有傾有講,好多事上都有商有量.佢亦都係我No.2最想佢信主嘅人. Who's No.1? 梗係我阿媽啦.

我阿媽係一個典型嘅家庭主婦,煮嘢好勁,家務無得彈.喺我未信主前我曾經經歷過一個"極"低潮期,佢就成為我當時[唯一]嘅"生存支柱"(當然現在就多左神啦)."無微不至"相信都係最貼切嘅形容詞去形容佢點樣照顧頭家.
細個嘅時候,年少不懂事,雖然自問都係一個乖乖仔,但係有時都會嫌阿媽長氣,佢為我做嘅嘢都有D "take it for granted". 直到早幾年,有一日喺廚房見到阿媽喺度做家務,突然間心裡頭有種好[感動]嘅感覺,亦都唔知[點解][開始][擔心]會唔會有朝一日再見唔到佢(wah..諗起都突然間有D想喊嘅感覺).或者就由這一刻開始吧,帶佢信主成為我生命裡面其中一件非常重要嘅事情,因為我唔希望將來我喺[天堂]上見唔到佢.如果佢唔信主,上唔到天堂,我相信將會係我一生最大嘅遺憾.
我阿媽都曾經去過幾次church同ACM嘅聚會,而基本上有我"on stage"嘅聚會佢都一定會嚟.雖然佢以前對Christian/教會嘅抗拒已經大致上消除左,但係佢會肯信主嘅情況卻仍然好似不太樂觀.有時自己除左祈禱同把握機會帶佢返聚會之外,都好似做唔到D乜..hai...

我好鐘意留意歌詞嘅原因係因為有時同一句[歌詞]可以俾唔同人有唔同嘅感覺.Twins [幼稚園]呢首歌係講[親情],但係當中有一句[歌詞],卻為我帶來一個別人唔會聯想到嘅意思.

幼稚園 MV(youtube)
作曲/編曲/：陳光榮｜填詞：黃偉文

還記得那一天　在那一天　初次上學堂
從前渡每分鐘　身邊也有　父母在旁
終於天與地　需要獨自往　
兩手必需放　但我不想放　邊哭泣邊回望

然後到這一天　在這一天　走出世界　早告別學堂
人大了我應當　一早慣了　沒有護航
偏偏很幼稚　一有壞狀況
就會想歸去　父母親的堡壘　不管麻煩事幹

＊不要走　大鐘即使敲響　你別放開手
　成年後　什麼都不可再有成人遷就
　不要走　前去在人群內　會磨鍊到夠
　可見將來　日子總會有順逆流
　不過此時　獲得的愛顧　無私愛顧　未夠＊

凡事也要小心　沒趣得很　請不要再　迫我做大人
年月卻太很狠心　催促上課　學會獨行
幾千噸責任　冰冷像校訓　個鐘的塔跳
課室鐘聲響了　雙手為何在震

REPEAT＊

這句歌詞就係[不要走 大鐘即使敲響 你別放開手]. 我父母比較大年紀先生我(我同我阿哥相距12年),所以我阿爸都已經7字頭,我阿媽亦已經over 65.無可否認佢地有返咁上下年紀,死亡嘅"大鐘"[可能]過幾年就會隨時"敲響",我當然[希望]他們"不要走"同"別放開手",但係正所謂生死有命,有些事情總是無可避免.我[唯一]只[希望]他們在有生之年會信主可以有永生,所以[希望]你地可以為我的父母代禱吧. thanks.