專業餘推介 A-Grade Pop Music

Music+Novel,原來有時是可以互相配合,相輔相成的. [小王子] 呢本書裡面講過: "眼睛是瞎的,應該用心靈來尋找" "不管是房子,星星或沙漠,使它們美麗的是看不見的東西" 人類總是用眼去評價人,但係只要能夠遇到懂得用心靈去觀察事物嘅人,[一個人]就算醜,在其他人嘅心目中也可以[醜得漂亮]. 醜得漂亮 許志安/胡杏兒 MV(YouTube) 作曲:陸偉峰 填詞:林若寧 編曲:伍仲衡 優美　才容易獲取所愛 總要　和各界眼光比賽 長相　你叫我怎麼改 自尊心也被人笑聲掩蓋 只怪　凡人用眼睛戀愛 身世　才淪為被愛的障礙 觀眾　那界線改不改 亦好好對待叫人人意外 ＊常人完美的標準　怎去量度幸福的輕重 一千噸　這樣重　張開手　能用力地抱擁＊ ＃天生不算做漂亮　都多得你願見諒 當醜小鴨被撇下流亡然後又被領養 人從來天生天養 然而難得你對我緊張 不必選美覓對象　醜樣都這樣漂亮 不必當世俗偶像 這世界誰亦有被愛的福相 蒙起這雙眼冥想 Myolie:誰會讓你戀上/Andy:忘記言論重量＃ 總要　被旁人目光批鬥 得我　憑塊鏡遇上佳偶 所愛　我怕我講出口 會給婉拒換來我心傷透 關愛　仍然是你所專有 總有　情人明白你小宇宙 給我　抱抱你一雙手 另一種美貌我全部接受 REPEAT＊ 天生不配做偶像　都多得你願見諒 (Andy:人人能愛上) 彷彿整個鬧市內完全無人剩下我倆 (Andy:人人能跌傷) 評頭和品足嘴臉 原來無需要太過緊張 請不必背負重量　醜樣都這樣漂亮 心底可拼命發亮 這世界其實有萬八種色相 旁觀者怎會了解 Myolie:何以共我戀上/Andy:誰會是最理想 REPEAT＃ "只有用心靈,一個人才能看清真相.真正的東西不是用眼睛可以看得到的" 只有懂得用心靈看事物的人,才會[發現]身邊的[滄海遺珠]. 滄海遺珠 劉浩龍/謝安琪 MV(YouTube) 作曲/編曲:謝國維 填詞:黃偉文 大眾也喜歡珠光寶氣 沒有空完全明白你的美 只得我望見你　關起了心扉 猶如合上　貝殼的傳奇 若世間疏忽　從未細味 讓那些蠢人庸人嫌棄你 切莫讓人　影響了你　信仰你的真理 ＊如滄海深處　埋藏著遺珠 其實你好處　個個也不知 唯獨我先可以　明白上帝構思 於沙礫裡找到璀璨珍珠 人家冤枉你　平凡悶孩子　(Kay:如像孩子) 但是你心思我不信　無聊沒...

近排都有同唔同嘅人講過自己一D唔同嘅計劃(各方面都有), 當中有D計劃可能會令人覺得我好傻, 又或者我去實行呢D計劃嘅決心令其他人好surprise. 有些事做左[可能]會[後悔], 但係唔做就一定會[後悔]嘅話, 咁就點都要搏一搏. 而要搏嘅話, 就算要 “拚死一戰” 也要去做(雖然可能結局會死得好慘). 至於[點解]要去做那些事, 原因可能好似杜汶澤呢首歌嘅[歌詞]所講:{為了信守一個念頭,賠上一生哪會夠}. 誰教我 杜汶澤 MV(YouTube) 作曲/編曲:伍樂城@Baron 填詞:黃仲凱 忘了　多久　獨個人搏鬥 年歲　身影　也漸厚 沒法走　未放手　為了信守一個念頭 賠上一生哪會夠 讓我空虛中給妳所有 *誰教我唱這歌 誰明白孤身一個有幾餓 夜靜人深燈火剩下了我 沒怨聲載道過 即使我 得到眷顧不多 能為妳努力更多 然而盲目乞討可會有幫助 即使顛沛奔波總是未停過 上半生我做過甚麼 未有賞識到 (下半生我為了甚麼 有天終於會) 但仍總有　妳鼓勵我 (盡情閃過　妳等著我)* 還有多久　被理想佔有 眉宇即使已倦透 獨個走　未怕醜　就算腳底只有石頭 容我低聲痛個夠 願妳沙啞中感到親厚 Repeat * with ( )

曾經經歷過雙失青年嘅情況, 所以明白有工總比unemploy好. 但係當份工[問題天天都多]得令你[心淡]到[非走不可]嘅地步的話,唔想日日返工等放工都唔得. 我公司喺行政上基本上就係一團糟,做到嘢嘅要走都唔留,做唔到嘢嘅就幾廢都唔炒(廢到日日做同一樣嘢,淨係對著個number type入電腦都成日type錯), 已經令到公司好多人都無心戀戰.在公司被同事公認做到嘢嘅我,睇嚟結局只有一個.而因為公司混亂令到我同另一個做到嘢嘅同事無得升就更加係"罪無可恕". 事緣因為之前有個team走左好多人,所以公司就調左我同另一個team嘅一個比我做得更耐同更叻嘅"肥仔"(無貶意,只不過方便大家識別)(你知啦,邊個同我比都係"肥仔"ga la...hehe)去唔夠人個team. 到上個月,我同肥仔原本果兩個team嘅supervisor都升左做manager, 但係公司就是但升左兩個比我同肥仔更新嘅人(from those 2 teams)做supervisor.唔係話一定要升我同肥仔,但係連consider我地都無,就真係心灰意冷,有事就要我地幫手,無事就直情當我地隱形.我原本都諗住走所以都唔係好大影響,但係我就戥肥仔好唔抵,佢嬲到去搵高層講數,但係最後就一如所料-[嘥氣].我[記得]我見工時被人問過我喺工作上有乜嘢係最憎嘅,我就答最憎公司唔realize員工嘅contribution,點知今次就"斷正". 另外公司嘅IT亦都好stupid. 自從試過講到明有virus但係佢地乜都唔做,最後公司D機大部份都中招之後就乜鬼都block, web-based email block, msn 又block.我唔係想話公司應該比人喺開工時間check email 同msn (雖然我manager講明只要做好所有嘢就可以做自己嘢),但係都應該比人喺lunch time同辦公時間之後用(特別有D員工因為做嘢遲左收工而miss左班車,要等半個至一個鐘先有下一班).但係最低能嘅係,IT連USB port都block埋(read/write都唔得),攪到做嘢要攞D data去股市機度download price都要用floppy(in case 你唔[記得]係乜,即係磁碟)(我試過同人講公司save嘢仲要用flop...

"我們愛,因為神先愛我們" (約翰一書4:19) 今年去左幾個婚禮嘅程序表裡面都寫有呢句經文,所以講到[愛],點可以唔講[愛的根源]-神. 自從早排一D事情令到我[開竅]之後,同神嘅關係都算OK,亦在一些事上都感受到神嘅[愛].但係喺現實生活中,卻因為各種嘅[愛]而[Hurt So Bad]. 當所付出嘅[愛]唔能夠帶俾人[幸福]同溫暖嘅時候,[愛]就好容易會令人變得膽怯.或者[愛]就是太過難以捉摸,我就好像總拿捏不好.[愛情]上,每次去[愛人]總是令到自己所愛嘅人感到煩惱(因為佢地要諗點樣拒絕我).[親情]上,想將我得到最好嘅嘢(永生)與父母分享,卻總事與願遺."友情"上,想關心他人,卻總是方法或timing不對,不是[愛得太遲],就是弄巧反拙. 其實想去[愛人]卻因為自己性格嘅缺陷或者[愛]得不對而令人受傷,傷得最重果個其實係自己.就好似一隻箭豬,好想以擁抱去將愛給其他人,卻因為身上嘅刺而令到他人受傷.但又有幾多人知道,刺的另一端其實係喺箭豬身體入面嘅倒勾,每次令人受傷嘅時候自己就更加[痛].有時[痛]到對[愛]會有一種[心寒]嘅感覺,特別係明知神要我地去[愛]其他人,自己卻做不到嘅時候;因為[如果愛]只會(only)帶嚟[痛]楚,咁生存仲有咩意義呢? 都唔知係因為寫這個series所勾起嘅往事(照計唔係),還是因為幾個禮拜前喺一對high school 同學嘅婚禮度[遇見]返一個以前曾經[出賣]過我嘅人(我上個禮拜食飯同弟兄[姊妹]講過嘅"Titanic"故事就係呢個人做,而果晚我只係講左故事嘅一半)(但係我喺婚禮撞到呢個人嘅時候又好似無乜嘢,我淨係覺得大家果一刻都係[好戲之人]),令到我呢幾個禮拜都有D[失常]嘅情況,就係喺公司不停咁飲熱朱古力.飲嘅程度係有時一日飲成3-4杯,一個禮拜就飲成十幾杯.我都唔係好知點解會係咁飲,或者想喺杯熱朱古力裡面感受一下sweet同溫暖嘅感覺吧. 有D弟兄[姊妹]都叫我唔好對自己太過harsh,我都明白佢地嘅意思.但係我都就嚟30,"時日無多",所以要盡快改善自己性格上嘅缺點."起步比人遲,[時間]比人少",要改好並唔係一朝一夕就可以完成嘅事,需要好多時間,奈何我已經無[時間]可以[慢慢來],我亦明白別人容忍嘅能耐都有限,唯有...

正所謂[好戲在後頭], 講完愛情同友情,就當然係講親情啦. 我同我阿爸細個嘅時候關係原本都幾好,但係到我大左開始懂性之後,先發覺佢"表面"上對我好,實際上只係揾我過橋去達成某D目的,加上佢講左好多 [傷盡我心的說話],所以我曾幾何時同佢嘅關係簡直係差都無可再差. 或者佢不太懂得同仔溝通(佢對我家姐就過份溺愛),所以有段時間佢同我同我阿哥嘅關係都幾差. 其實我一向以來嘅自卑性格少不免都因為佢由細到大"有彈無讚"嘅教仔方式.我亦都" 以此為鑒",第時有細路都唔會犯相同嘅錯誤. 不過唔知[點解],我信左主之後就同佢嘅關係好左好多,我諗係神喺當中作工,加上自己少不免都大個左,成熟左嘅原因吧.起碼基本上都有傾有講,好多事上都有商有量.佢亦都係我No.2最想佢信主嘅人. Who's No.1? 梗係我阿媽啦. 我阿媽係一個典型嘅家庭主婦,煮嘢好勁,家務無得彈.喺我未信主前我曾經經歷過一個"極"低潮期,佢就成為我當時[唯一]嘅"生存支柱"(當然現在就多左神啦)."無微不至"相信都係最貼切嘅形容詞去形容佢點樣照顧頭家. 細個嘅時候,年少不懂事,雖然自問都係一個乖乖仔,但係有時都會嫌阿媽長氣,佢為我做嘅嘢都有D "take it for granted". 直到早幾年,有一日喺廚房見到阿媽喺度做家務,突然間心裡頭有種好[感動]嘅感覺,亦都唔知[點解][開始][擔心]會唔會有朝一日再見唔到佢(wah..諗起都突然間有D想喊嘅感覺).或者就由這一刻開始吧,帶佢信主成為我生命裡面其中一件非常重要嘅事情,因為我唔希望將來我喺[天堂]上見唔到佢.如果佢唔信主,上唔到天堂,我相信將會係我一生最大嘅遺憾. 我阿媽都曾經去過幾次church同ACM嘅聚會,而基本上有我"on stage"嘅聚會佢都一定會嚟.雖然佢以前對Christian/教會嘅抗拒已經大致上消除左,但係佢會肯信主嘅情況卻仍然好似不太樂觀.有時自己除左祈禱同把握機會帶佢返聚會之外,都好似做唔到D乜..hai... 我好鐘意留意歌詞嘅原因係因為有時同一句[歌詞]可以俾唔同人有唔同嘅感覺.Twins [幼稚園]呢首歌係講[親情],但係當中有一句[歌詞],卻為我帶來一個別人唔...

個topic叫[最佳損友],只不過係因為我同以下呢兩個人可以乜都講,包括一D relatively 無咁嚴肅嘅話題. =P 我都有成5年多無返香港,不過有兩個喺香港嘅人,只要佢地是但一個做一樣嘢,我就會即刻[飛]返香港. 做乜?就係只要佢地是但一個決定同佢地嘅[女朋友](不過其中一個未有)結婚,我就一定會返去飲.有乜原因佢地結婚我一定要返去?因為佢地都係我嘅[好兄弟] . 第一個要講嘅就係我喺香港嘅中小學同學.其實我同佢嘅性格都幾唔同,以前間唔中都因為各持己見而嘈交,但係好快就會下左淡氣無事.我地鐘意嘅嘢又好唔同,興趣除左大家都鐘意睇NBA之外,其他興趣都無樣同,甚至乎鐘意女仔嘅類型都基本上完全唔同,但係偏偏就成為[好兄弟]. 我同佢成為[好兄弟]嘅原因就係以前大家都住得好近,放學都會一齊返屋企.而雖然佢鐘意漫畫而我就鐘意聽歌,但係十多年前我地都會一齊去一D好似信和(以前無4仔賣ga)呢D主力賣CD同漫畫嘅青年人商場.傾得多,相處得多,友誼就慢慢建立得根深蒂固. 我同佢有乜嘢係合作得最天衣無縫呢?唔係打藍球[One Two]一傳一射,而係寸人.或者因為我同佢都係聽[軟硬]大,所以寸人嘅時候都好叻一唱一和.而對上一次返香港嘅時候,最開心嘅其中一件事就係[發現]我同佢雖然[Long Time No See],但係[默契]無變, hehe... =P 至於另一個喺香港嘅[好兄弟]就係喺團契/church識嘅"陸叔".其實我未同佢熟之前就覺得佢份人好似好鐘意吹水,無嚟[認真].但係因為我同佢喺同一年一齊成為團契嘅職員,因而有一齊合作嘅機會.我仲[記得]有一次同佢傾週會,因為一早就傾完,所以就傾下一D自己嘢,當中包括各自嘅一D[秘密].或者就係因為呢一次所建立嘅信任,同埋[發現]佢為人並不如我以前所想咁樣,所以之後就成為[無所不談],可以交心嘅[好兄弟]. 雖然佢大約兩年前返左香港,但係我地都依然成日MSN,間唔中亦會通下電話.而可能由於我地[天各一方]嘅關係,所以有乜事我都可以[無須擔心],[毫無保留]咁話佢知,而各自遇到有乜事嘅時候亦都會互相support. 其實究竟我同佢地有幾咁[好兄弟],聽下首歌就知. 好兄弟 軟 硬 天師 MV (youtube) 曲/監：黃貫中 詞：林海峰/葛民輝/黃貫中 編：黃貫中/恭碩良 好兄弟 前事不提 誰沒有一起搶過玩...

揀寫愛情先,少不免因為[情歌]比較多,易D搵可以配合我想寫嘅內容嘅歌. 情歌 側田 MV 作曲/ 編曲:雷頌德 填詞:林夕 為了愛 我真受夠傷 但有過愛的分享 為了每次打敗仗 我哭得最響 沒有博愛的技倆 有幾好亦自量 不去用腦想 牽掛又會有幾傷 * 聽遍最浪漫纏綿的歌 聽幾多次也落淚的歌 我才明愛恨因果 懂得心痛要恭賀 興奮妒忌苦惱怨恨完全憑心魔 然而無論有幾多愛錯 那紀念屬我 開心比苦惱多 * # 其實傷心都不過為愛 (誰又懂得愛) 同樣知 活得開心靠愛 (愉快的意外) 情像一首歌可一總可再 失戀後幸運在能重頭戀愛 付出過偉大到放開 沒有得到好報不悔改 (沒有得到好報便分開) (亦勝孤單一個沒戀愛) # @ 明白我 生死都也為愛 (存亡亦靠愛) 孱弱得 為了一粒沙感慨 (相戀要慷慨) 人存在世上 若要悲壯過 便投入愛海 沒有害 (痛快好痛苦) 怕接觸痛苦 白過都活該 (全為怕分開) 誰亦未信首先相信愛 @ Repeat * # 知不知錯 亦但求被愛 苦戀的 大概與某個他比賽 單戀的 設法參透怎去活到死也要戀愛 Repeat # @ 聽遍世上勾引眼淚能迷魂的歌 纏綿華麗已經綁架我 美化了我眼淚算得甚麼 講到愛情,其實我都無乜嘢好寫,因為基本上都係一片空白... 戀愛盲 梁漢文 MV 作曲:梁漢文/陳奕迅 填詞:林夕 編曲:王雙駿 for double c music group 人很好　求不到 若找不到對象　好處怎麼數 明知道　求不到 大家於派對內　得我不跳舞 姻緣都講求因果　愛情有幾何 於身邊穿梭　最後留下我　不為何 全部都因我　心眼小　想法多 如沒法像最愛的那個 寧願白白讓對象遊蕩過　不為何 其實都因我　給某位　感動過 仍自覺被困上個　仍沒法輕言下個 預感中　能歡喜 命中早已註定　她有個知己 憑知己　和知己 大家總要競技　怎有這勇氣 姻緣都講求因果　愛情有幾何 於身邊穿梭　最後留下我　不為何 全部都因我　相愛少　好友多 全部有事也會找上我 到閒來無事似熟人路過　不為何 其實都因我　找愛戀　怎預我 全沒秘密最後變成姊妹　慰問我 失戀得不夠多　相愛也就不多 不會勇於將錯就錯 仍然還未放下來是我　不為何 全部都因我　一對少　出錯多 誰若有力叫我心跳過 我放棄全部也盡情突破　不為何 緣份獎賞我　工作多　綁住我 還用這樣建立我　從沒有戀情預我 自問平時都算有點[小聰明],...