意想不到(圓滿篇) - 地球大合唱 @ Chicago

過左差唔多成個月先講返呢個Chicago tour, 其實係因為太多嘢想分享, 所以寫極都寫唔完,到依家先算寫完,先可以post上嚟.

喺Chicago所經歷到嘅[感動]同有趣事, 真係"非筆墨所能形容".

5月17號(Thursday)Toronto就有三架車出發前往Chicago. 由於"俊俊"之前一日突然病左去唔到, 我就因此臨時轉左坐第二架車. 兩男四女喺架全新(之前只係行左8KM) 嘅Caravan(租車)上面睇下戲(來回兩程加埋都睇左3-4套戲, 包括"龍貓"...haha), 聽下歌, 傾下偈, 食下嘢, 轉眼間(其實都要成8個幾鐘)就去到喺芝加哥唐人街嘅church度. 條唐人街叫"永活街", 條街叫得呢個名,無間Church嘅話就真係唔成事...hehe… 而間church就唔只得一棟building, 總共有成三棟咁多(一座main building, 一座for youth ministry, 一座for國語).

Thursday嘅final rehersal同friday嘅event就喺main building. Saturday就喺Chicago北部嘅一間church. 呢間church嘅附近分別有Michael Jordan間屋(因為佢離左婚, 所以依家得佢ex-wife同個仔住) 同Scottie Pippen以前住間屋(證明果度係有錢佬區...haha).Sunday就喺南部一間church同main building唱崇拜.Sunday下午就有機會行下downtown, 之後monday回程途中就有機會行下outlet mall (不過淨係喺Banana Republic買到件less than US$5嘅T-shirt).

講完行程, 咁其實我經歷到D乜同有乜開心事?

首先就係今次嘅[地球大合唱]可以話係一個唔知幾時先再有嘅機會,去同嚟自唔同地方嘅詩班員一齊為神事奉. 由於前一個post (意想不到1) 所講嘅原因(原來Chicago淨係得3個詩班員),所以大家接到"英雄帖"之後都義不容辭去幫手. 最後總共有9個地方32個詩班員+band+ACM工作人員(Toronto, HK, LA, SF, Louisanna, New Jersey, Washington, Boston同Chicago)參加呢個[地球大合唱](我自己就叫呢個tour做"東西岸連成一線"...haha). 當我thursday去到間church嘅時候, 見到嚟自其他地方嘅詩班員嘅時候只係覺得係一班"3唔識7"但係會一齊唱嘅人, 然後[慢慢]就同佢地變得相處融洽, 到最後變成同心合力為神作工嘅[戰友], 這種"一條心去做好一件事"感覺旁人真係唔係咁容易感受到. 其實平時喺Toronto嘅event之後都有呢種感覺, 但係[可能] 今次有D來自唔同地方而[開始]嘅時候比較陌生嘅[戰友], 而且睇到佢地因為平時[練習]機會唔夠我地Toronto多而加倍落力(Bass同Tenor唱完第一場之後特別搵專人"補鐘"[練習]) 嘅情況,再加上當中每[一個人][盡心盡性]嘅付出, 所以感覺特別比平時更強烈.

而當中有個有趣嘅"同心"景象就係喺第二晚嘅聚會入面,LA同SF嘅負責人都立志去全時間事奉神, 而當台上嘅詩班唱完呼召歌最後一句之後,我前面兩行來自唔同地方嘅soprano都同一時間好"同心"咁做左同一個動作,究竟做乜動作?就係用右手伸入褲袋攞紙巾出嚟抹眼淚.佢地喊因為見到身邊嘅[戰友]願意作出呢個決定而[感動].其實[可能]有D人都只係喺今次嘅tour先[第一次]認識佢地兩個(我都係呢個tour先第一次識"SF鄧麗君"),雖然只係相處幾日,但係因為"同心"嘅緣故,感覺已經好似一家人一樣.

另外當然就係睇到神嘅大能啦. 這個tour由幾乎要cancel(因為唔夠詩班員), 到變成[地球大合唱] 已經係令人"意想不到".會眾嘅反應亦都比我想像中更好, 幾個聚會加埋有成24個人信主, 同埋8個人全時間事奉 (from ACM嘅除左LA+SF嘅兩個負責人之外,仲有Toronto嘅[高妹]同來自HK嘅"Disney鼓王"). 見到四個來自唔同地方嘅ACM[戰友]立志全時間事奉,更加令我睇到神嘅巧妙安排同旨意.

仲有[值得]感恩嘅事就係喺tour當中同一 D弟兄[姊妹]更加熟落(例如好似"得意妹Elmo").由於交通同住宿嘅分配安排下,我去同回程就坐一架車,但喺Chicago期間就坐另一架車,所以就可以同兩group唔同嘅人有好多相處同[傾偈]嘅機會.喺來回嘅路程就同"At 16"熟落左(之前個Saturday先同佢地兩個打完Tennis);而喺Chicago架車當中就同"師奶兵團"(叫"師奶兵團"因為當中有"阿嬸"喺到,另外三個"靚女"當然唔係師奶啦…haha)傾左好多偈,仲要受到佢地嘅"審問"(一日就我俾問話,另一日就係[高妹]被盤問).而喺被"師奶兵團"盤問期間,當我講到一D往事或者正在面對緊嘅事情嘅時候,佢地都會講D鼓勵或者安慰嘅說話去support我,另外仲係盤問嘅當中令到我喺ACM多左一個事奉嘅機會tim.

自己一向都會為發生喺別人身上嘅[圓滿]事情而高興(例如弟兄[姊妹]嘅屋企人信主,有情人終成眷屬,生BB[等]),但係以前都好似數唔到有乜[圓滿]嘅事情發生喺自己嘅身上.但係經過今次嘅tour之後,我可以話俾人聽我都喺一件[圓滿]嘅事情裡面有份...hehe… =)