...一生將主愛實行

(接上篇)
去到Sunday, 一早就離開法拉盛(Flushing)前往布碌崙(Brooklyn), "進取型車手"(呢個名好似係Enoch改的)就車住一班乘客穿梭NY街道到達目的地. 崇拜同lunch之後就預備4點(因為Mother's day所以在下午舉行)[開始]嘅聚會.

喺預備同綵排嘅時候, 我[發現]自己已經無咗之前一日有嘅[感動].因為咁我全日都有D blame自己點解尋晚唔落台, 覺得自己kill咗果份[感動].

聚會舉行期間我都比平時無笑得咁勁 (因為仍然為之前抹殺感動而[於心有愧]). 到呼召立志全時間事奉嘅時候, Alfred(講員, 亦都係ACM負責人)就突然唔跟原本預備好嘅message講(即係第一晚message), 而分享佢自己以前立志全時間嘅情況(所以佢連稿都唔使睇), 當中有好多都好touch我 (太多, 不能盡錄).
我諗兩晚嘅messages加埋(如果同一個message聽兩次impact就應該無咁大)就令我知道[不可以再躲開], 唔可以再"濫竽充數" (ACM event 有人信主就入埋自己數), 要自己真真正正[走出來]去交俾主用. 況且今次tour咁多阻礙都有信心不顧一切去, [點解]神calling要我做應該做嘅事反而要猶豫不決, 更何況[我甚麼都沒有](Alfred全時間事奉前, 他的生意做得不錯的), 到底仲要[怕什麼]而唔將自己完全獻上去[一生將主愛實行]?

一生將主愛實行　ACM　Listen(Real Player)
作曲:金培逹　作詞:趙孟準/郭多加

盡力去闖祗相信神同在
未怕艱辛路途上
流露光輝似驕陽　帶著熱能量

是為了主將真愛獻出
讓這歌心中再響
唯願我一生宣揚　得祂的讚賞

看看過去幾多足印
我決意帶使命共行　昂然地向前奔

一生將主愛實行　來傳揚神救恩
能承受明日十架苦困
我未畏懼帶著勇敢
當一生走到盡頭　全憑神攜我手
回頭望重現歷過風雨
卻未悔恨獻盡此生　我所有

喺Alfred未講完個message嘅時候我就已經好肯定自己會行落台立志, 所以一[開始]唱呼召歌嘅時候我就已經行出去. 因為速度太快嘅關係, 第一句歌詞都未唱完就落咗台, 所以就被形容為"一枝箭標落台". 而因為第一晚個台比較大都唔落而第二日個台好窄先落, 所以亦都被人話我有闊路唔行, 係都要行窄路... hehe...

亦都因為個台好窄嘅關係, 所以就產生咗一個"懸案". 由於唔夠位行落台嘅原因, 我要"push"(唔係推嘅, 要人地借一借比我行過)開D人先落到台. "懸案"就係究竟我"push"咗幾多個人呢? 我淨係[記得]我push過Alfred, 但係"目擊證人"就見到我push Bobbie, 我估我兩個都有push gua (我諗我應該問Maggie借個"巡邏影片"睇一睇). =P

做完呢個決定之後有乜感覺? 就係好似放下心頭大石咁, 唔使再為之前無落而攪到屈住屈住, 簡直係成個人都鬆哂. 或者因為呢個原因所以我落台嘅時候心情係好冷靜, 反而一班親密[戰友]就喊哂, 真係唔好意思. =)

有無D乜嘢令我擔心? 我最擔心係做壞見證. 自己知自己事, 我一向都唔係"屬靈過人", 都會怕人地覺得"咁嘅人都立志全時間事奉, 唔係咁[兒戲]ar fa?". 不過我喺church嘅春令會(tour 之後個weekend)裡面同大Joe傾過, 佢話神會在軟弱嘅人身上去彰顯佢嘅大能同完成佢嘅計劃. 亦都感謝神喺春令會俾我能夠更肯定呢個決定/心志.

希望大家能夠繼續幫我祈禱, thanks!