圍城故鄉

雖然我嘅藉貫唔係香港, 不過對於人生頭16年都喺香港大而又從未返過鄉下嘅我, 香港似係我嘅故鄉多D.

對於9年無返過香港嘅我, 返到去嘅感覺有D怪, 既陌生又熟悉. 例如好多地方嘅街名都唔記得, 但係好多9年前去過嘅地方都依然識路(連我香港個[好兄弟]都話犀利...haha). 又或者以為自己會唔適應環境同潮濕氣候, 但係除咗唔係好慣D紙"快速變霉"同埋間房"超級"污糟(間房喺一間吉屋嘅雜物房, 有好多鋪晒塵嘅雜物, 仲有霉菌喺牆上面)之外, 基本上又無乜問題(沙塵暴都唔覺辛苦).

由於我喺飛機瞓到覺, 所以我係"0 jet lag", 亦都可能因為呢個原因加上只得3個禮拜嘅關係, 我呢個Toronto唔多成日出街嘅人喺香港就出足咁多日, 仲要差不多日日都由朝出到晚, 行嘅mileage分分鐘多過喺Toronto一年嘅總和. =P

返去主要就去咗兩個婚禮, 另外就見返好多[舊朋友], 亦都去咗南韓(4日)同澳門(1日). 見到有D[朋友]無論喺生活上或者性格上都有好大轉變(有個變到簡直係"意想不到"), 生活變得多彩多姿之餘卻又被社會風氣所影響而令到一些應該堅持嘅原則(甚至乎包括聖經教導)都會放棄, 我都唔知究竟係好事定壞事.

不過對於一向prefer Toronto平靜簡單生活嘅我, 卻第一次有返去香港長住嘅念頭出現. 在這20日嘅行程裡面, 無論喺自己親身感受到嘅一些事情, 抑或從朋友口中得知嘅一D情況, 都令我諗到幾個原因(例如香港有多些機會可以在Christians機構工作)會令我決定喺1或2年後返去for good. 當然會唔會真係咁做就要睇[未來]日子在Toronto嘅情況會變成點, 但係[可能]到時無論返定唔返都根本因為現實情況而唔輪到我可以有[選擇]嘅餘地......

我的"下一站"到底會在哪裡, [幸福], 天后(HK), 抑或會是天國?
......