眼睛不能沒眼淚

星期日堂道令到唔係[大喊包]or甚至乎差不多唔識喊嘅我[第一次]喺教會度流出[眼淚]. [無錯], 我信左主咁耐最多都係[感動]到[眼紅紅](通常都係喺ACM嘅聚會), 未試過真係喊得出.

近一兩個月[其實我不快樂], 上個星期depress情況都算幾嚴重, 有兩晚喺屋企忽然唔開心到想喊(不過最後無),人又變得連自己都覺得自己好煩, 原因係當有事情未settle嘅時候, 自己就不停咁問有關人士相同嘅問題(我諗因為擔心會出亂子吧, 平時唔會問得咁密). 另外亦都有D[內疚]嘅感覺, 因為星期六有ACM聚會, 無理由為神爭戰之前死成咁. 情況最嚴重嘅時候我甚至諗過有無需要搵心理醫生, 同埋星期六晚我應唔應該上台事奉神. 最後都有上台事奉, 因為正如Enoch所講能夠有機會事奉神唔係必然, 我擔心到我再嚴重D嘅時候就真係想做都唔可以做(唔想喺台上失控).

[點解]攪到咁depress? 因為事業失意(想轉工,但係D resumes 全部石沉大海; 就算留返喺依家呢份工, 都要等到出年九月先有得升, 雖然如果唔係俾公司"老點"嘅話我應該一年前已經升左,依家變左成日被老細"要脅"同"屈機"). 感情失敗(唔知[去邊度]先可以找到[誰來愛我]), 又被D"所謂"嘅[朋友]硬屈(睇返前面[不吐不快]個post).祈禱祈左好耐祈到泄晒氣([開始]懷疑自己係唔係唔識祈禱, 起碼喺為自己祈禱嘅時候[可能]因為祈得唔好所以一路都[沒結果], 但係求其他人嘅事就通常好順利), 覺得情況差到唔敢有[希望](no hope no pain).

好有[可能]你會覺得我嘅問題係好少事, 人人都有, 又或者我嘅情況同一D其他人嚟比已經算好好(起碼有份極為穩定嘅工作). 但係我都唔知點解釋果種感覺, 總之就係年紀唔細但係仲[一事無成]而份人又未夠好嘅壓力實在係透不過氣來, 唔識得處理. 最慘係會失驚無神好唔開心同忐忑不安(原來咁樣都幾辛苦).

其實星期六rehersal嘅時候都有D心不在焉(所以有"衝閘"嘅錯誤出現), 聚會頭半part都要"jit"D笑容出嚟, 好在後半part就好返好多, 起碼可以自然地真笑.

到左星期日其實淨係返左崇拜, 個message嘅topic其實我早一日已經從大Joe口中得知, 但係就無諗過D內容咁中, 簡直覺得神由第一句到最後一句都係同我講緊嘢. 內容大致係講彼得由點樣信主到主耶穌復活期間嘅經歷, 當中有起有跌. 其實彼得咁勁好似同我呢個 small potato大纜都扯唔埋, 但係喺大joe嘅道入面[發現]原來我忽略左一D細節或者一些事情背後隱藏嘅一些意思係我之前無留意或者唔知,而又同我依家嘅景況有關連(就好似下面呢兩樣).

首先大Joe講到彼得跟隨耶穌之前打左一晚魚就乜都打唔到,然後耶穌再叫佢落網就多到滿瀉,之後彼得就跟耶穌成為門徒. 大Joe話一條魚毛都打唔到其實係一個[神蹟](因為無理由成隻魚船咁大個網一條魚仔都無, 之後多到滿瀉就係人都會知係[神蹟]). 我原本覺得情況咁差,乜都無,係神唔理我or唔聽我禱告(覺得[可能]因為我祈得唔o岩 or平時我好多事都做得唔夠好唔合神心意而所受嘅懲罰), 但係原來咁嘅情況都係神係我身上所作嘅[神蹟].如果神真係唔理我嘅話我諗佢都唔會花心機喺我身上施[神蹟]啦, 甚至乎[可能]依家嘅情況係要預備我去得著"更美好"嘅事情, 就好似D魚多到滿瀉咁([希望]係啦...hehe).

第二樣就係彼得嘅經歷當中有起有跌, 雖然身為門徒當中嘅leader, 但係有時呢頭立志完果頭就跌倒, 又或者信心不足("小信的人"), 又會做D唔合神心意嘅事(叫耶穌唔好去死); 仲要試過跌得好金(三次不認主),跟住直頭放棄神嘅使命走返去打魚. 但係由此至終原來神都無放棄過佢不特指, 仲從來無怪過佢+點名要搵返佢(天使叫婦人通知門徒"和彼得"有關耶穌復活嘅消息). 我之前都有為早前立志為神做多D之後卻咁快死成咁嘅情況而[內疚], 但係神原來無怪過我令到佢失望.

我諗我都寫得太長, 所以寫住咁多先. 雖然仲係"down down地"同埋會"忽然情緒低落", 但已經好返D, 同埋起碼pick up 返每日靈修(近1-2個月死到唔係成日做). 其實我都唔知幾時先會好返晒, 但係總算[開始]踏出陰霾, 做到[走出來]嘅第一步.