心計

[我歌…故我在], 我思…故我在. 唔同人都會用唔同嘅方式/媒介去激發思考, 有人會透過電影,有人會透過睇書, 而我就會透過聽歌嘅歌詞去思考唔同嘅問題.
近排聽緊Eason新碟"What’s Going On"嘅時候, 突然間有首歌嘅一句[歌詞]令到我不停翻覆去諗究竟遇著果個情況嘅話, [歌詞]所講去做嘅事係唔係[唯一][出路]. 呢句歌詞就係[白玫瑰] 裡面嘅{身處劣勢, 如何不攻心計}.

白玫瑰 陳奕迅 MV(Youtube)
作曲/編曲/監製：梁翹柏 填詞：李焯雄

白如白牙　熱情被吞噬　香檳早揮發得徹底
白如白蛾　潛回紅塵俗世　俯瞰過靈位

＊但是愛驟變芥蒂後　如同骯髒污穢　不要提
　沉默　帶笑玫瑰　帶刺回禮　只信任防衛
　怎麼冷酷卻仍然美麗　得不到的　從來矜貴
身處劣勢　如何不攻心計
　流露敬畏　試探你的法規
　即使惡夢卻仍然綺麗　甘心墊底　襯你的高貴
　一撮玫瑰　無疑心的喪禮（模擬心的喪禮） 　
前事作廢　當愛已經流逝　下一世＊

白如白忙　莫名被摧毀　得到的竟已非那位
白如白糖　誤投紅塵俗世　消耗裡亡逝
Repeat ＊ with ( )
怎麼冷酷卻仍然美麗　得不到的　從來矜貴
身處劣勢　如何不攻心計
流露敬畏　試探愛的法規
即使惡夢卻仍然綺麗　甘心墊底　最美的姿勢
一撮玫瑰　無疑心的喪禮 前事作廢　當我已經流逝
即使惡夢卻仍然綺麗　甘心墊底　襯你的高貴
給我玫瑰　前來參加喪禮 前事作廢　當我已經流逝　又一世

其實自問生活都算[一切還好], 只有兩樣嘢係{身處劣勢}, 一樣就係[愛情]( {身處劣勢}十多...haha), 另一樣就係工作(起碼依家做緊果份係).

喺依家份工度{身處劣勢}正正就是因為自己不懂攻[心計]. 之前都有提過我同另一個教我好多嘢嘅同事"無辜"地齊齊無得升(兩個空缺由兩個新過我地嘅人升左, 而我地兩個連被consider嘅機會都無)嘅事件,或者就係因為自己只懂努力工作(自問未喺"哀莫大於心死"到"做好D嘢[無錯] 就算"之前都好努力工作ga), 卻唔懂得耍手段, 唔識擦高層鞋, 最後就換來被忽略,失去升職機會.另外我又見到公司裡面有好多冗員因為識拍馬屁, 所以就算幾廢都好都仍然[大難不死], 好"安全"咁繼續每日不停地做錯嘢然後卸膊; 而喺基本上公司無乜升職同炒人制度可言嘅情況下仲會有職升tim.

[愛情] 方面, 最經典嘅當然係試過有[朋友] 為左爭(or搶) 我鐘意個女仔而不惜用超級賤招[出賣]我, 而最後呢個[賤人] (那個所謂嘅[朋友])就大獲全勝, 我就斷送左暫時嚟講成功機會最大嘅一次 (唔計好耐以前鐘意我果個...hehe). Well, 通常我都自我安慰咁同自己講, 如果我唔係有料, 有威脅嘅話, 果個人都唔使desperate度要用賤招(真係{身處劣勢, 如何不攻心計}?)先贏到我...haha…況且如果我當時[追] 到個女仔嘅話, [可能] 我之後就唔會去團契同有機會信主, 計落都係賺嘅... =)
我唔係話追女仔要用賤招, 唔好誤會.只不過有時諗除左improve自己成為一個更好嘅人去吸引人之外, 係唔係仲要學下攻[心計] 先可以在"困獸鬥"裡面"殺出重圍"? (haha…好似寫得好誇張, 但係諗深一層, 追女仔有時都好似"殺戮戰場", 特別係如果你鐘意個女仔質數較高). =P

不過喺呢兩個星期日嘅早堂裡面, 神就透過約瑟嘅經歷提醒我, 無論順境定{身處劣勢},約瑟嘅行事為人都依然無變, 唔會{身處劣勢, 如何不攻心計}, 依然忠於自己嘅處事方式; 而神無論喺我地嘅順境定{身處劣勢}亦都係同一個神. 另外, 神亦都為每一個人定下了最好嘅計劃, 所以有時就算[一個人] 明明應該[值得] 得到一些事, 神卻早已為這個人在"更適當嘅[時間]"得到更大嘅恩典.(例如約瑟為酒政成功解夢, 酒政卻忘記即刻幫佢離開監獄, 因為神的計劃要約瑟在"更適當嘅[時間]"才離開).

神呀, 我知道你已經為我預備左最好嘅計劃, 但求您能夠加力俾我, [等] 我可以在更懂得了解您嘅計劃之前能夠有餘力撐下去吧.