不可思議

五月尾去咗IW Boston tour, 不過一直好忙無[時間]寫, 到依家Celtics NBA Final輸咗之後先可以寫到.

我諗當你鍾意[一個人]嘅時候, 總會願意花心思去製造一D驚喜俾你[喜歡]嘅人. 如果呢個想法係[無錯]的話, 咁神仍然好鍾意我...hehe....

去得IW tour多, 都曾經有諗過仲會唔會有咩特別事會發生. 雖然[可能]好難有事可以beat到LA果位89歲婆婆立志全時間事奉個[感動]moment咁勁, 但係神都總會繼續喺tour裡面比我一D驚喜.

每次出tour去到US, 都見到每一個地方對福音同屬靈嘅渴求. 每次見到US會眾熱烈嘅反應([廣東話]在美國是"少數民族", 所以一些就算係大城市嘅地方都比較少廣東話團隊去攪聚會, 而好多[廣東話]教會亦都缺乏主任牧師), 對比起Toronto果種"多到食滯"嘅反應, 可以証明"物以罕為貴"嘅道理.

至於今次tour裡面嘅驚喜, 就係屬於"奇怪人遇見奇怪事"嘅系列...haha...

Tour其中一日嘅下午, 喺出隊派完聚會宣傳單張之後, 就去其中一架車度(泊咗喺一個公園嘅停車場度)拎返塊Promotional board. 落完停車場basement上返ground floor就發現出面已經落緊大雨(其實行緊去停車場嘅時候都feel到想落, 原本諗住拿拿臨拎返塊board去church). 而當我喺個亭度等停雨嘅15-20分鐘裡面, 就見到有成百幾人喺條路行離開緊個公園. 有咁多人走唔奇,但係果班人就全部打扮成妖魔鬼怪, 唔係滿面週身鮮血就係惡型惡相嘅魔鬼造型, 仲要有D喺度嚇同我一齊喺個亭度等緊停雨嘅細路仔(後尾聽Boston嘅弟兄講佢地去老麥示威, 但係點解要扮成咁?). 我果時喺度諗, 神要喺Boston呢個地方行大事, 所以就用呢場雨去淋走所有妖魔鬼怪. 而喺等嘅時候亦都好有信心咁相信呢D妖魔鬼怪走晒之後神就會停雨等我可以拎張board返church.

過咗15-20分鐘後, 就唔再見到D妖魔鬼怪, 而亭內個security就趕人走, 唔俾人喺度避雨(之前因為出面危險先俾人喺果度). 咁我就走返落underground, 沿著parking走去另一個出口. 去到另一個出口就[發現]無security趕, 而個天亦都開始出返太陽, 再等多一兩分鐘之後就真係停咗雨, 可以行返去church.

其實之後rehearsal嘅時候都望到出面有D妖魔鬼怪再次出現, 不過已經少咗好多, 仲好快走晒. 或者神要做大事, 所以妖魔鬼怪先至鍥而不捨, 不過已經俾神打殘咗, 所以已經無威脅.

可能你覺得我諗/講得有D誇張, 不過諗返簡單D, 如果聚會準備[開始]嘅時候有一大班咁嘅"人"喺附近的話都[可能]影響人嚟個聚會去認識/親近神.

而兩晚嘅聚會都有唔少人信主同立志全時間事奉. 第一晚未[開始]呼召就已經[有人]企咗起身決志; 呼召立志全時間事奉嘅時候就有"4條K"(4 個男仔)一[開始]就毫不猶疑咁[走出來]. 第二晚呼召信主前就見到有未信主嘅人喺台下唱得仲激動過信主果D, 最後當然一呼召就即刻起身決志; 而全時間事奉嘅時候我就幫一對夫婦祈禱, 佢地係翹住手行出來一齊立志, 好幸福.

至於例牌會發生嘅post-tour depression syndrome, 今次唔算好[嚴重], 我諗[可能]因為9月有Vancouver/Seattle tour 同 Toronto有event可以look forward to.