領悟

繼續都係寫LA Tour嘅感想, 不過個tone要轉一轉.

身為newsletter editor, 我出親tour都要訪問現場觀眾, 問吓佢地睇完聚會之後有乜感想. 有一晚訪問一位阿叔, 我問佢對聚會有乜意見嘅時候, 佢就話純粹因為個女叫佢嚟先嚟, 然後就話佢去過好多次呢D咁嘅聚會, 個個都係咁ga la, 咪又係叫人信主, 然後講咗一堆同我地聚會無關嘅嘢.

我唔係想話我地個program無嘢唔好, 唔係話一定要人信. 問題係呢位阿叔講嘅每一句意見都係同嫩愛(我地培靈佈道會個名)無關. 好明顯佢未嚟睇之前已經下咗定論("呢D聚會都係咁ga la"), 聚會未開始之前已經將佢嘅眼, 耳同心都完全Shut Down哂. 我寧願佢真係有留心個聚會嘅各樣嘢然後逐樣彈都好(起碼有聽message同歌等等), 總好個"又係咁"但係成個聚會裡面叫佢講一樣嘢"稍為"有[印象]都講唔出(我有問過ga), 好似之前果兩個鐘發生過咩事都完全唔知咁.

呢位阿叔讓我[領悟]到一樣道理, 就係當連神咁偉大嘅愛都咁難去[感動]一些人嘅時候(唔係神能力嘅問題, 只係神俾人有[自由]意志但係人實在太過愚頑之故), 人微小嘅愛更加唔使旨意喺[愛情]世界裡面可以[感動]到另[一個人].

以前或者係我比較[天真]吧, 總相信只要[真心真意][愛]對方嘅話, [始終一天]可以[感動]到對方. 我一直都捉緊這個宗旨做人, 亦會鼓勵身邊有類似情況要面對嘅人[繼續努力]. 估唔到我要到依家先至醒悟, 先至知道自己幾咁....... hai....

大Joe無講錯, TVB電視劇真係教壞人, 睇吓"同事三分親"裡面嘅裘俊同武紀勇...... =P

喺度同之前受我鼓勵(定係誤導? haha*冷笑*)嘅人致歉, 希望你地依家如果見到勢色唔對就快D抽身而退, 唔好再發夢相信會有"能夠用愛感動人"嘅[奇蹟]出現.

"還能憑甚麼　要是愛不可感動人"([K歌之王]歌詞), 我都唔知道, 唔識答呢個問題.

不過大家可以放心, 我[依然][相信愛](我講緊男女之間嘅愛)係人不可或缺嘅其中一樣來自神嘅恩典, 所以我仍然會去等待/尋找呢份神所賜嘅福份, 就算要[尋找一千遍]都[希望]可以堅持到而唔會放棄嘅.

尋找一千遍　Mr.　Live(youtube)　Listen(eSnips)
作曲:ALAN PO　填詞:黃嘉琳　編曲:GARY TONG, MR.
監製:CY KONG, DAVY CHAN, GARY TONG

時間似慢鏡　如世界在退後
想捉緊你手　到天邊無限宇宙
徘徊在此　重看那舊鑰匙
開不到記憶　你消失似要終止

尋找一千遍　迷宮中聽不見
漆黑裡流連　未見到終點

* 獨坐門外沒人在沒人認識
想起你的黑眼睛彷似絕跡
想與你對話　想告訴你我心跡 *

時間繼續轉　從四季中走遠
漆黑裡看清　你身影叫我甦醒

尋找遍地球　從冰川到汗流
尚要找幾天

Repeat *

如今我　在大門外大門內　找了十天
不想放手　拖你手漫遊路徑
把你再抱著　輕吻你髮似詩篇

獨自流浪　在回望所有記憶
找到你的　都去闖不會吝嗇
只盼再見面　擁抱你在我身邊

如今我　拖緊你手
漫長路　漫無目的
捉緊這刻　聽你講所有事跡
把你再抱著　親吻你過每一天
紀念這天

突然間諗到呢句歌詞..."這個白痴..."?([天才與白痴]歌詞)