吻彌留的你

上星期四又再經歷一樣多年前曾經面對嘅情況.

星期四朝早阿爸就要做白內障手術, 雖然唔知咩原因遲咗進行, 但係都算ok.
之後佢返咗屋企休息, 但係到咗黃昏時候佢突然間覺得好暈, 之後仲失去知覺(好在佢當時坐咗喺度). 我同阿媽同外甥合力抬阿爸返上床同call白車. 喺白車嚟到之前佢就醒返. 我陪佢搭白車去醫院. 佢吸咗陣氧氣之後就好返好多, 到入夜經醫生檢查過後就唔使留院可以返屋企休息. 依家亦已經好返好多, 大致回復正常.

其實若干年前都[有發生過]類似情況,兩次令我最深刻/震撼嘅就係我阿媽嘅反應. 當喺最危急關頭嘅時候, 佢不停大叫我阿爸個名, 同呼天搶地咁叫阿爸唔好嚇佢同"dum"低佢.
愛, 原來是可以這樣震撼的.
以前睇戲見到D生離死別嘅場面時, [還以為]D演員做得好誇張, 事實原來係其實萬梓良喺"流氓大亨"果[一句]"SO WHAT!"都唔算好誇張(最多都係誇咗少少).

有時都會諗到底比[我愛的人](both親人同[愛人])死先定係死後好. 我諗最"完美"嘅當然係[如果我先死]嘅話就係好似"Titanic"裡面Jack救Rose咁因為要救佢地而死(包括屬靈上, 例如因為我死先而令到父母信主, 我有聽過咁嘅情況真係[有發生過]). 至於喺正常的生老病死嘅情況底下當然就希望對方死先, 一來對方唔使面對親人/[愛人]過身而要面對嘅痛苦, 而且又能夠為對方好好咁處理身後事.

其實能夠[吻彌留的你]("你" stands for 所愛的親人/[愛人])[可能]係一種福氣.

吻彌留的你　吳浩康　Listen(imeem)
作曲:吳浩康　填詞:林若寧
編曲:Adrian Chan　監製:吳浩康/Adrian Chan

通宵給你遞暖壺　從床頭為你關心照顧
真的祈求傳染一些痛苦
都知急症沒法醫　陪情人受苦仍然樂意
我方知生命悠悠長意義
抑鬱不停纏擾你　都知分離無法避
辛酸之時寧願我做你

* 情人流過　為何難過　回想你都無悔當初
這段最尾過程一起經過　遺留回憶多
情人流過　隨緣而破　捱苦也不要問因何
把你從前疾苦都背負過
原來你令我真正活過 *

分憂比接受更好　誰和誰或許無緣共老
有很多經歷仍然無虛耗
珍惜這殘留感覺　犧牲依然能快樂
雖知當時停止了脈搏

Repeat *

情人流過　為何難過　回想你都無悔當初
這幕彌留情境一起經過　還何來坎坷
情人流過　情懷不破　下輩子跟你在星河
把你連連淚水都抹掉過
誰離去亦也不必白過

P.S. 或者因為星期四攪咗成晚, 攪到有D"心力交瘁"嘅關係, 我星期五朝早一度出現"斷片"情況, 唔[記得]自己起身後做咗D咩, [明明]擦咗牙洗咗頭都唔[記得], 不過好快就回復正常, 所以大家唔使擔心.